-





كتمنا في دواخلنا /
كثير أشيا . .
صعب تنقال !
صبرنا لييين ملّ الصبر ,
وقام يقولها عنّا ~

شكى منا ’
تطاولنا على حدوده
وقال وقال /
حكى بعيوبنا .. واسرف
تغاضى عن محاسنّا !

نسى يذكر ,
بكى ليل . . وضياع أوقات "
وطولة بال !
تحاشى لآتجي سيرة ,
تعاستنا - ومن كنّا ؟

غض الطرف عن [ ضعف ]
وهواجيس /
وتردّي حال !
قدر يعطي على وزن الأمور . .
وفاض يتغنّا ~

وجانا بعدها مسرور "
ويتمخطر على الموال :
يقول إنّـا بنحتاجه !
- ربط حبله بخواصرنا ,

ولكن عفنا نتحمل /
كسرنا . .
وقفة التمثال ~
عبّرنا عن الخافي ,
وحكينا حروف تطعنّا !

بقى حزن . .
وصبر مدهوش "
وتعتيم المسا ’  والفال !
وراحت هيبة الصمت ,
وجرحنا نفسنا منّا ~

على هونك !
ترا الحاجه . .
ماهي بس الأكل والمال ؟
رجعنا للحكي نحتاج ,
ونكتم في دواخلنا  ♪




.... للصبر آخر ")

-






مالك لوا في هقوتك /
في جملتك . .
مالك لوا !
ماصابني غير الندم ,
واحساس ماحسّه غريق ~

ذيبك انا .. هل تعتقد
" الذيب ضايق لا عوا ؟ "
مالك لوا كآنك تظن ..
بأن العوي ’
لسعات ضيق !

موت المشاعر مايضر ,
لو شاعرك !
- مات إنكوا "(
مايذبحك سكين يآس ..
إلا وسط لحظة حريق ~

إمما عشق من قلب وروح ؟
والا ترا الفرقا ( دوا ..
حتى لو انك منجرح !
حاول . . /
جروحك ماتعيق ,

مايجتمع في كوكبي :
- كره !
- ومشاعر احتوا "
ومايتفق مع خاطري . .
في داخلي , مالا اُطيق *

شفهم كثر مآحبهم /
ما واحدٍ منهم نوا !
يمسح معالم [ ضيقتي ,
وينوّر بحسّه طريق !

بصبر عسى . .
مع هالصبر !
يجون في صبحي سوا ~
وافطر على حسٍ طفى ,
وافك بالبسمات ريق ♥


.... هي اُمنيات تُحكى !!